Umhirða rafgeymisins

Rafbílar og rafgeymar endast ekki að eilífu frekar en bílar sem brenna jarðefnaeldsneyti. Endingartíminn veltur á því hvernig hirt er hlutina. Hvernig þú velur að hlaða bílinn hefur til að mynda áhrif á hleðslugetu rafgeymisins og þar með akstursdrægi.

Margir framleiðendur rafbíla bjóða einnig upp á ábyrgðir til margra ára sem ná til rafgeyma og annarra íhluta (smelltu hér til að kynna þér 7 ára ábyrgð Kia). ).

Og það eru margar aðrar leiðir færar til þess að ná hámarks drægi út úr rafbílnum:

• Mjög hátt og lágt hitastig getur dregið úr afkastagetu rafgeymisins. Gættu þess að skilja rafbílinn þinn ekki eftir of lengi í miklum hita eða kulda. Sumir framleiðendur, eins og Kia, bjóða upp á viðbótar aðgerðir eins og Vetrarstillingu sem miðar að því að bæta akstursdrægi og endingu í köldu veðri
• Gættu þess að rafgeymirinn tæmist ekki algjörlega. Skilvirkast er að hlaða bílinn þegar rafgeymirinn er með á milli 20% til 80% hleðslu
• Gættu þess að hlaða rafgeyminn ekki of mikið eða of oft. Halda skal DC hleðslu í lágmarki til þess að stuðla að lengri líftíma háspennurafgeymisins
• (Eins og áður er bent á eigandahandbókina þar sem er að finna nákvæmar viðmiðunarreglur)

Fylgst með hemlakerfinu

Hemlakerfi með orkuendurheimt í rafbílum stuðla að lengri endingartíma bremsuklossa. Bremsuklossunum er engu að síður þrýst saman með sams konar bremsuvökvakerfi og er í hefðbundnum bílum. Jafnvel þótt tíminn milli viðhaldsþjónustu geti verið allt að helmingi lengri en í bílum sem brenna jarðefnaeldsneyti, er engu að síður mikilvægt að láta skipta um bremsuklossa og bremsuvökva af og til svo ástand bílsins verði með besta móti og ryð myndist ekki í hemlakerfinu.

Fylla á kælivökva

Rafbílar eru með kælikerfi sem stýrir hitastigi rafgeymisins og kemur í veg fyrir ofhitnun. Þörf fyrir að fylla á eða skipta um kælivökva er breytilegur milli tegunda. Það er því skynsamlegt að hafa í huga það sem mælt er með fyrir þinn bíl og sjá til þess að skipt sé um kælivökva eða fyllt á í samræmi við ráðleggingarnar

Hjólbörðunum víxlað

Alla hjólbarða óháð gerðum þarf að skoða reglulega til að forðast það að þurfa að skipta þeim út of fljótt.

Rafbílar eru venjulega 20-30% þyngri en hefðbundir bílar með brunahreyfil sem skýrist af þunga rafgeymisins. Þeir skila líka tafarlausu átaki sem getur slitið hjólbörðunum hraðar. Það er því mjög mikilvægt að víxla hjólbörðunum milli ása reglulega (í samræmi við ábendingar í eigandahandbókinni). Einnig þarf að gæta að réttum loftþrýstingi til að tryggja betri aksturseiginleika og lengri endingu hjólbarðanna.