Nýr og alrafmagnaður Kia EV9

Kassalaga LED-aðalljós með Z-laga dagljósum gefa nýju Kia EV9 GT-línunni eftirtektarvert og framúrstefnulegt útlit.

Tærar og skarpar línur stafrænu hliðarspeglanna bjóða upp á betra útsýni við allar aðstæður og leiðbeiningar þegar verið er að bakka og skipta um akrein.

Afgerandi hvernig sem á er litið. Afturhlerinn er sér á parti með huldar rúðuþurrkur og einstök afturljós.

Lögun léttra 21" álfelganna og hjólkoppar með eftirtektarverðri ytri lögun smellpassa við fallegt ytra útlit EV9.

Þú og farþegar þínir getið alltaf notið útsýnis með tveimur fullkomlega staðsettum sólþökum sem eru hannaðir til að hleypa umhverfinu inn.

Vertu með nauðsynlegar upplýsingar þar sem þú þarft á þeim að halda. Langt, flæðandi og stílhreint mælaborð með skýru viðmóti birtir upplýsingar á 12,3" mælaskjá, 5,3" miðjuskjá og 12,3" snertiskjá fyrir upplýsinga- og afþreyingarkerfið.

Komdu þér fyrir, teygðu úr þér og njóttu nokkurra mínútna afslöppunar á meðan þú hleður EV9. Slökunarsæti eru í boði fyrir fyrstu og aðra sætaröð og bjóða upp á fullkomin þægindi fyrir þig og farþega þína.

LED-ljós í stýrinu lýsir upp Kia-merki í miðju þess á meðan þú ekur og kallast þannig á við aðra stílhreina hönnun innanrýmisins í EV9 GT-línunni.

Fyrsti rafbíllinn frá Kia með þrjár sætaraðir býður upp á gott rými fyrir alla og samskonar þægindi frá framsætum og aftur í þriðju sætaröð. Rúmgóð farangursgeymslan tryggir svo að þú getur pakkað öllu sem þú þarft að taka með.

Aukarými er þar sem þú þarft á því að halda. Rafdrifið húddið veitir þér aðgang að rúmgóðri farangursgeymslunni að framan.

Þjóðvegaakstursaðstoð með handaskynjara stillir aksturshraða þinn sjálfkrafa eftir hraðamörkum hverju sinni um leið og kerfið heldur þér í öruggri fjarlægð frá ökutækjunum á undan. Uppfærðir handaskynjararnir í stýrinu greina hvort þú snertir það, hvort sem þú hreyfir það eða ekki, og stilla hraðann í samræmi við það.

Nú er auðveldara að halda sig innan akreinar en nokkru sinni fyrr. Þökk sé akreinaaðstoð 2. Akreinaaðstoð 2 notar myndavélina að framan til að greina akreinar og hjálpa ökumanni við að halda bílnum á miðri akreininni. Ef þú þarft aðstoð við að leiðrétta staðsetninguna hjálpar kerfið þér að stýra bílnum aftur á sinn stað.

Nýtt háþróað HDP-akstursaðstoðarkerfið er enn eitt skrefið í átt að sjálfvirkum akstri. Kerfið notar fimmtán skynjara, þar á meðal tvo LiDAR-skynjara, til að skanna og greina hluti allan hringinn. Ef einhver hætta greinist bregst kerfið við á örfáum millisekúndum.

Hættu að hafa áhyggjur af blindsvæðinu. Árekstraröryggiskerfi fyrir blindsvæði varar þig við í hvert sinn sem ökutæki reynir að taka fram úr þér eða er inni á blindsvæðinu. Ef kerfið greinir hættu á árekstri grípur það inn í með því að beita hemlunum til að koma í veg fyrir árekstur og beina bílnum aftur inn á akreinina.

FCA-árekstraröryggiskerfi 2.0 skilar þér aukinni hugarró og aðstoðar þig við að koma í veg fyrir að aka á gangandi vegfarendur eða hjólreiðafólk eða lenda í árekstri við önnur ökutæki. Ef þú stígur ekki nógu fast á hemlana til að koma í veg fyrir árekstur gerir EV9-bíllinn það sjálfkrafa.

Bakkaðu út úr bílastæði eða innkeyrslu á einfaldan og auðveldan máta. Árekstraröryggiskerfi með umferðarskynjara að aftan gerir þér viðvart ef bílar eða gangandi vegfarendur eru fyrir aftan bílinn. Kerfið hemlar sjálfkrafa ef hætta er á árekstri.

Árekstrarhemlunin veitir þér og farþegum þínum aukna vernd og öryggi ef til áreksturs kemur. Það kemur í veg fyrir að bíllinn rási eftir upphaflega áreksturinn til að lágmarka áhættuna á frekari árekstrum.

Bílastæðaaðstoð á hliðum, að aftan og að framan tryggir að það er ekkert vesen að leggja í eða aka út úr stæði með því að vara við gangandi vegfarendum og hlutum nálægt bílnum.

Þú þarft aldrei aftur að hafa áhyggjur af því að leggja í og aka út úr þröngum stæðum. Fjarstýring fyrir bílastæði sér um erfiðið með því að stýra bílnum sjálfkrafa í stæði, jafnvel upp við gangstéttarbrún, allt með einum smelli á snjalllyklinum.

Tengstu heiminum og öðru fólki á hnökralausan hátt í gegnum þrískiptan snertiskjáinn. Skjáirnir eru nógu stórir til að bæði ökumaður og farþegar geti séð allar nauðsynlegar upplýsingar og bjóða upp á háþróaða grafík svo upplýsingar birtist á skýran hátt.

Auktu enn frekar þægindin í akstri með stafræna Kia-lyklinum, sem gerir þér kleift að opna og gangsetja bílinn með snjallsímanum. Geymdu lykilinn í stafræna veskinu þínu og deildu honum með öðrum ökumönnum til að auðvelda aðgengi að bílnum.

Njóttu mikilla hljómgæða fyrsta flokks Meridian-hljóðkerfisins sem skilar öllu hljóðefni kristaltæru, hvort sem er uppáhalds spilunarlistinn þinn eða hlaðvarp. Intelli Q-búnaðurinn leiðréttir hljóðstyrk og hljómgæði í samræmi við hraða til að tryggja að hljóðið sé alltaf fullkomið.

Í innanrými EV9 er tenging fyrir alla í fyrirrúmi og því er nóg af hleðslutengjum í boði. Þar er að finna handhæg og þægilega staðsett USB-C hraðhleðslutengi fyrir fyrstu, aðra og þriðju röð.

Stöðug tenging við allt sem þú þarft er tryggð í EV9. Hladdu símann á hentugan máta á þráðlausa hleðslutækinu á meðan þú ekur. Gúmmímottan kemur í veg fyrir að síminn renni úr augsýn og kæliviftan lágmarkar hita við hleðslu.

Tengdu símann þinn við EV9 á hnökralausan máta með Kia Connect-forritinu og nýttu þér öll þau þægindi, hugarró og hagnýtu aðstoð sem býðst. Innbyggð þjónusta veitir þér upplýsingar um umferð í rauntíma, hleðslustöðvar í nágrenninu, bílastæði, veður og úrval annarra gagnlegra upplýsinga. Fjartengda þjónustan er ekki síður handhæg, svo sem fjarstýring fyrir rafhlöður, hita- og loftstýring og leiðsögn síðasta spölinn, svo nokkur dæmi séu nefnd.