Avtomobil oturacaqlarını necə təmizləmək olar?

Sizin ruhi və fiziki sağlamlığınız üçün təmiz oturacaqlar təmiz avtomobil eksteryeri qədər əhəmiyyətlidir. Təmizlik işini mütəxəssisə tapşırmaq mümkündür, lakin hər cür oturacaq səthinə uyğun təmizləyici vasitələr və təmizləmə üsulları barədə məlumat əl çatan olduğundan bunu siz özünüz də edə bilərsiniz.

Oturacaq səthini zədələməmək üçün təmizləyici vasitəni avtomobil oturacağının üzərində istifadə etmədən öncə başqa bir səthdə yoxlamağı unutmayın.

Dəri səth üzərində qalıcı ləkələr

1. İlk öncə dəri qoruyucunu istifadə edin.

2. Ləkə təmizləyicini ləkənin üzərinə yayın.

3. Təxmini 30 saniyə gözlədikdən sonra səth üzərində ləkə təmizləyicini silin.

Mürəkkəb ləkəsi

1. Saç spreyi və ya izopropil spirtini su ilə qarışdırın.

2. Hazırladığınız vasitəni ləkə üzərinə yayın.

3. Mürəkkəbin səth üzərinə daha da yayılmaması üçün, nəm və ya təmiz parça ilə silin.

Yağlı ləkələr (dodaq boyası, yağ və s.)

1. Boya təmizləyici və ya pambıq parça götürün.

2. Boya təmizləyiciyə özü ilə eyni miqdarda su əlavə edin.

3. Pambıq parçanı hazırladığınız vasitəyə batırın və ləkənin üzərinə yayın.

4. Ləkənin üzərinə azca duz və ya qarğıdalı unu töküb bir gecə həmin vəziyyətdə saxlayın.

5. Tozsoranla təmizləyin.

Qəhvə ləkəsi

1. Qəhvə ləkəsi üzərinə soyuq su əlavə edin və salfet ilə silin.

2. Ləkə üzərinə şüşə təmizləyici əlavə edin və 5 dəqiqə gözləyin.

3. Ləkəni tam şəkildə təmizləmək üçün salfet ilə davamlı olaraq silin.

4. Əgər ləkə hələ də təmizlənməyibsə qab yuyucu maye ilə sürtün və isti su ilə təmizləyin.

5. Ləkəni salfet ilə yenidən silin və saç quruducu fen ilə qurudun.

* Oturacaq səthinə zərər verməmək üçün saç quruducu feni lazımi qədər uzaq tutduğunuzdan əmin olun!

Qaytarmaq nəticəsindəki ləkə

1. Ləkənin üzərini dəsmal ilə silin və yerdə qalan ləkənin üzərinə soyuq su əlavə edin.

2. İsti su və həlim sabunu qarışdırıb alınan vasitə ilə ləkəni yuyun.

3. Ləkəni aradan qaldırmaq üçün ləkəni qazlı suya batırılmış parça ilə silin.

4. Qabartma tozu ilə suyu qarışdırıb istifadə etmək də mümkündür. Bu həmçinin qoxunu da aradan qaldırmağa kömək edir.

Qan ləkəsi

1. Soyuq suya batırılmış parça ilə ləkəni silin.

* İsti su və ya sabun istifadə etməyin!

2. Ləkə yox olana qədər təkrar edin.