როგორი უნდა იყოს კარგი პირველი ავტომობილი?

პირველი ავტომობილის შეძენა ადამიანის ცხოვრებაში ერთ-ერთი მნიშვნელოვანი მომენტია. რამდენადაც სასიხარულო და ამაღელვებელი არის ეს, იმდენად დამაბნეველი შეიძლება იყოს. აქ მოცემულია რამდენიმე ძირითადი  რჩევა, რომელიც მოიცავს 3 კატეგორიას და რაც აუცილებლად დაგეხმარებათ გადაწყვეტილების მიღებაში. 

ფასი

• სანამ დაიწყებთ, უმჯობესია, თქვენს ფინანსებს გადახედოთ. თქვენი ფინანსები არამარტო ავტომობილის ყოველთვიურ ხარჯებს უნდა ფარავდეს, არამედ საკმარისი უნდა იყოს ისეთი საჭიროებისთვისაც როგორიცაა- ავტომობილის დაზღვევა და რეგისტრაცია, ასევე, საწვავისა და სარემონტო სამუშაობების ღირებულება.
  
  
• როგორც წესი, პირველად მყიდველები არჩევანს მეორად ავტომობილებზე აკეთებენ. თუმცა, თუ კი ავტომობილს გარკვეული პრობლემები აქვს, მისი შეკეთება შესაძლოა, საკმაოდ ხარჯიანი აღმოჩნდეს. ახალი ავტომობილი შეიძლება ცოტათი უფრო ძვირი ღირდეს, მაგრამ მას  გარანტია მოყვება.
  
  
• რაც უფრო დიდ პირველად შენატანს გადაიხდით, მით უფრო ნაკლები თანხის გადახდა მოგიწევთ 

ყოველთვიურად.

• გამოცდილების ნაკლებობის გამო, დაზღვევის საფასური დამწყები მძღოლებისათვის უფრო მაღალია; მაგრამ 12 თვის განმავლობაში უსაფრთხოდ მართვის შემთხვევაში, თქვენ შეგიძლიათ, დარჩენილ გადასახადზე დააგროვოთ ფასდაკლება. ეს ფასდაკლება შესაძლოა გაიზარდოს წლების განმავლობაში, მანამ სანამ თავისუფალი იქნებით სადაზღვევო მოთხოვნებისგან.
  
  
• დამატებითი ფასდაკლება სადაზღვეო თანხასთან მიმართებში, შესაძლოა მიიღოთ უსაფრთხოდ მართვის შემთხვევაშიც.
  
  
• ჩამოთვალეთ თუ რა გჭირდებათ თქვენი ახალი ავტომობილისგან, შემდეგ კი ამ საჭიროებების შესახებ ინფორმაცია მოიძიეთ.  მაგალითად, მას, ვისაც ყოველდღე, ერთი საათის განმავლობაში, მთიან რელიეფზე, თოვლიან პირობებში, მგზავრობა უწევს, ექნება განსხვავებული მოთხოვნები და მისთვის შესაძლოა, ავტომობილის გარკვეული მახასიათებლები აუცილებელი იყოს, ხოლო მისთვის, ვისაც კვირაში მხოლოდ 3-ჯერ უწევს მაგისტრალებზე გადაადგილება, შედარებით სხვა მოთხოვნილებები და საჭიროებები იქნება წინა პლანზე. 
  
  
• შეადარეთ სხვადასხვა მოდელები, აღმოაჩინეთ მათ შორის განსხვავებები. ზოგიერთ ავტომობილს აქვს ის მახასიათებლები, რომლებიც გარკვეულ საჭიროებებს უკეთესად შეესაბამება.
  
  
• ზოგადად, საუკეთესო ვარიანტია ახალი ავტომობილის შეძენა, ვინაიდან მას მოჰყვება სამუშაო იარაღების კომპლექტი და მის საიმედოობას ბრენდის სტანდარტები უზრუნველყოფს. თუ კი არჩევანს მეორადი ავტომობილის შეძენაზე შეაჩერებთ, მისი საიმედოობა შესაძლოა, ეჭვქვეშ აღმოჩნდეს და ეს დამოკიდებული იქნება იმაზე, თუ რამდენად კარგად უვლიდა მას წინა მფლობელი.
  
  
• ყველაზე მნიშვნელოვანი რჩევა კი არის შერჩეული ავტომობილით ტესტ-დრაივის გავლა.   არ აქვს მნიშვნელობა ავტომობილი ახალია, თუ არა, რეკომენდირებულია, ტესტ-დრაივი, რათა დარწმუნდეთ, რომ ყველაფერი გამართულად მუშაობს და რომ ავტომობილი თქვენთვის ნამდვილად შესაფერისია.

უსაფრთხოება

• შეამოწმეთ ავტომობილის უსაფრთხოების შეფასება ისეთი ორგანიზაციებში, როგორიცაა Euro NCAP ან Insurance Institute for Highway Safety (IIHS), რომლებიც ამოწმებენ ავტომობილის უსაფრთხოების მექანიზმებს და მათ უნარს, თავიდან აიცილონ  ავარია.
  
  
• მიზანშეწონილია, აირჩიოთ სატრანსპორტო საშუალება ზომიერი ცხენის ძალითა და ძრავით, რადგან ეს ხელს უშლის დამწყები მძღოლების შეცდომას, გადალახონ გარკვეული სიჩქარე და შეასრულონ სახიფათო მანევრები.
  
  
• რაც შეეხება ზომას, დიდი, მძიმე ავტომობილი შედარებით უფრო უსაფრთხო ვარიანტია; იდეალური იქნება ავტომობილი ელექტრონული სტაბილურობის კონტროლის (ESC) უსაფრთხოების მახასიათებლით.

გარდა ამ 3 კატეგორიისა, დამწყები მძღოლებისთვის კიდევ მრავალი დეტალია გასათვალისწინებელი, მაგრამ მთავარია, იპოვნოთ ავტომობილი, რომელიც საუკეთესოდ მიესადაგება თქვენ მიზანსა და ფინანსურ მდგომარეობას. იდეალურ შემთხვევაში, თუ ახლობელი ფლობს და მართავს იმ მოდელს, რომელიც თქვენ აარჩიეთ, უმჯობესია, მოუსმინოთ მათ და გაითვალისწინოთ მათი გამოცდილება. კიდევ ერთი ფაქტორი, რასაც ვერ უგულვებელყოფთ გახლავთ დიზაინი. შემდეგ, ამ სხვადასხვა პირობებიდან გამომდინარე, თქვენ ნელ-ნელა უნდა შეამციროთ შესაძლო ვარიანტთა სია.

მას შემდეგ, რაც აარჩევთ ავტომობილებს, რომლებიც თქვენს ფინანსურ მდგომარეობას მიესადაგება, უნდა აარჩიოთ მოდელები, რომლებიც თქვენს ცხოვრების წესს შეესაბამება. ავტომობილის მართვის შესაძლებლობების, საწვავის ეკონომიის, სარემონტო სამუშაოების და დაზღვევის დეტალური შესწავლით, შესაძლებლობა გეძლევათ, გახდეთ ავტომობილის გონიერი მომხმარებელი. პოტენციური მყიდველები, ხშირად, მანქანის გამოყენების ხანგრძლივობას ყურადღებას არ აქცევენ . თქვენ უნდა დაფიქრდეთ იმაზე, გეგმავთ თუ არა, რომ ამ კონკრეტული ავტომობილს მისი ათწლიანი გარანტიის მანძილზე მართავდეთ. თუ კი გეგმავთ, რომ მანქანა მხოლოდ სამი წელი მართოთ, მაშინ უმჯობესია, მეორადი მანქანა შეიძინოთ, ხოლო- თუ კი ფიქრობთ, რომ კონკრეტულ ავტომობილს დიდი ხნის განმავლობაში მართავთ, მაშინ უმჯობესია, გამძლე და სტაბილური მანქანა შეარჩიოთ.

მას შემდეგ რაც გაეცნობით ზემოთ მოცემულ მთავარ რჩევებს, სავარუდოდ, გაგიჩნდებათ კითხვა- ‘’ რომელი ავტომობილის შეძენაა რეკომენდებული დამწყები მძღოლებისათვის?“- ქვემოთ მოცემულია 2 ყველაზე სასურველი ავტომობილი დამწყები მძღოლებისა და პირველად მყიდველთათვის .

Kia Optima– ს შემდეგ მოდის Kia K5 უფრო სპორტული იერითა და ტურბო ძრავის შესანიშნავი მართვის უნარით. K5 აქცენტს აკეთებს არა მხოლოდ სიმძლავრეზე, არამედ მართვასა და 10.25 დიუმიან სენსორული ეკრანზე, აქვს მრავალი USB პორტი და  ავტომობილის ინტერიერს თქვენს ტელეფონში UVO აპლიკაციის გამოყენებით აკონტროლებს. მას გააჩნია ჭკვიანი კრუიზ-კონტროლი გზატკეცილზე მართვის დამხმარე საშუალებით და სხვა მრავალი დამხმარე ტექნოლოგია, რაც ხელს შეგიწყობთ A პუნქტიდან B– პუნქტამდემდე უსაფრთხოდ გადაადგილებაში.

Kia Picanto (ზოგიერთ ქვეყანაში ცნობილი, როგორც Kia Morning) ცნობილია, როგორც ერთ-ერთი ყველაზე კომპაქტური ავტომობილი. ეს ავტომობილი არამხოლოდ შესაფერისი ზომაა ქალაქის ქუჩებში სასიარულოდ,  არამედ ის არის ელეგანტური და, ამავდროულად, იგი ინტერიერში საკმაოდ დიდ სივრცეს ინარჩუნებს. Kia Picanto აღჭურვილია უკანა ხედვის კამერით, რაც ავტომობილის სწორად გაჩერებაში დაგეხმარებათ, ხმოვანი ბლუთუზით, რათა უზრუნველყოს თქვენი სრული ყურადღება ავტომობილის მართვისას, და ხასიათდება 66 ცხენის ძალით, რაც უზრუნველყოფს საწვავის მაღალეფექტურობას.