YENI KIA STINGER

Müasir dəbli arxa LED faralar parlaq və bərabər işıq saçır, dördlü oval səsboğucu isə Stingerin əsl yol yoldaşı olduğundan xəbər verir.

GT modellərin standart təchizatına daxil edilən qırmızı rəngli Brembo® əyləc qəlibləri hərəkətsiz vəziyyətdə belə Stinger-i kəskin sürətli göstərir.

Klassik performans avtomobillərinin dizayn xüsusiyyətlərinə əlavə olan tam LED faralar (GT modeli üçün standart) Stinger modelinin ənənəvi görünüşə sadiq qalmaqla yanaşı mümkün olan hissələrdə ən qabaqcıl texnologiyadan istifadə etdiyini nümayiş etdirir.

Əsas rəqibləri ilə müqayisədə daha geniş oturacaq-tavan məsafəsi, çiyin məsafəsi və ayaqlar üçün yer təklif edən Stinger-in arxa oyutacaqlarında iki yaxud üç sərnişin rahat yerləşir.

Küləyi saçlarınızda hiss etməyə hazırsınızmı? Bütün trimlər üçün geniş, maili və bir toxunuşla açılıb bağlanan lyuk sifariş edə bilərsiniz. Bir barmaq toxunuşu ilə daha çox hava və gün işığı salona daxil olacaqdır.

Standart təchizata daxil olan iki zonalı temperatura avto nəzarət sistemi və arxa oturacaqlar üçün olan klimat kontrol həm sürücü həm sərnişinlərə temperaturu ayrıca tənzimləmə imkanı verir. Beləliklə, fərqli temperatur rejimlərinə üstünlük verən insanlar da bərabər rahat yola çıxa bilərlər.

Elektron parklama əyləcini ənənəvi mexaniki əyləc linglərindən fərqli olaraq tez və təhlükəsiz işə salmaq mümkündür. Parklama əyləcini aktivləşdirmək üçün mərkəzi konsoldakı EPB düyməsinə basın. Auto Hold rejimi ayağınızı əyləcdən çəkdikdən sonra belə müvəqqəti olaraq avtomobili hərəkətsiz saxlayır.

İnteqrasiya olunmuş yaddaş sistemi sürücü oturacağının, yan güzgülərin, Head-up display və cihazlar paneli displeyinin əvvəlcədən təyin edilmiş iki fərqli pozisiyasını yadda saxlayır. Bu, Stingeri tam individuallaşdırmağın sadə üsuludur amma bununla yanaşı daha bir sürücü də özünü evindəki kimi rahat hiss edəcəkdir.

Sifarişə görə təchiz edilən Head-Up displeydə idarəetmə ilə bağlı ən mühüm informasiyalar ön şüşəyə proyeksiya olunur ki, avtomobili diqqətinizi yoldan çəkmədən təhlükəsiz idarə edəsiniz. Gündüz və gecə rejimi olan display hündürlüyə görə tənzimlənir. Sürət, avto pilot, naviqasiya, gizli zonalara nəzarət məlumatlara daxildir.

Opsional Harman/Kardon səs sisteminə kuzovun dərinliklərində rezonasiya edən sabvufer daxildir. Clari-fi texnologiyası musiqinin original real səslənməsini bərpa edir, Active Sound Design isə akselerator və asqının səsini artırır.

Kəskin isti iqlimə malik ölkələrdə açar-pultun bir düyməsinə basmaqla mühərriki məsafədə işə salmaq mümkündür. Yəni kondisioner də işə düşür və sürücü ilə sərnişinlər avtomobilə daxil olana kimi salon sərinlənir.

Telefonunuz mərkəzi konsolun üzərində yerləşən enerji toplama bölməsinə qoyulduqda heç bir naqil olmadan enerji toplayacaqdır. Narıncı rəng telefonun enerji topladığını göstərir, yaşıl rəng isə tam dolduğundan xəbər verir. Avtomobildən çıxan zaman telefonu enerji toplama bölməsində unutduqda xəbərdarlıq edilir.

Ventilyasiyalı ön oturacaqlar isti günlərdə sərin hava axınını, soyuq günlərdə isə daha effektiv və hərtərəfli isitməni təmin edir. Həm oturacaq yastığı həm də söykənəcək hissədəki dəliklər daha artıq komfort üçün nəzərdə tutulub.

Tvin turboşarj, V6 formalı mühərrikin geniş dövr/dəqiqə diapazonunda daha çox fırlanma anı hasil etməsinə kömək edir. Əlavə güc üçün xaricetmə kollektoru silindr başlığı ilə inteqrasiya olunub və elektron termostat isə temperatura nəzarətə yardım edir.

Tvin buruq turboşarj fırlanma anının səmərəliliyini artırır, yeni tetbiq olunmuş texnologiya isə mükəmməl yanma effektivliyini təmin edir. Mühərrik 6200 dövr dəqiqədə maksimum 255 at gücü hasil edir, maksimum fırlanma anı 1400 dövr/dəqiqədən 4000 dövr/dəqiqəyə kimi 353 Nm-dir.

ESC mühərrikin fırlanma anını və sürülmə şəraitini qiymətləndirərək təkərlərə avtomatik olaraq düzgün miqdarda əyləc qüvvəsi paylayır və beləliklə, optimal tormozlama və nəzarəti təmin edir.

Stingerin DMS funksiyasına 5 rejim daxildir və rejimləri ötürmələri dəyişmə linginin arxa hissəsində yerləşən disk vasitəsilə dəyişmək mümkündür. Hər rejimdə mühərrik, transmissiya, asqı, sükan çarxı hətta mühərrikin səsi avtomatik tənzimlənərək yeni rejimə uyğunlaşır.

Hava axınının idarəolunmasına yardım edən, müqaviməti azaldan və sərin havanı radiatora ötürən ventilyasiya dəliyi ön bamperə inteqrasiya olunub. Aşağı dəliklər hava axınını təkər oyuğuna ötürərək əyləcin soyumasına kömək edir. Krılodakı aero dəliklər isə yüksək performanslı sport avtomobillərin klassik dizaynına həsr olunub.

Stabilliyi artırmaq və yüksək sürətdə Stinger-in arxa hissəsində formalaşan potensial turbulent hava burulğanını optimallaşdırmaq üçün baqaj qapısının kənar haşiyəsi həm spoyler effekti yaradan həm də avtomobilin dizaynına estetik görünüş verən aerodinamik dodaq formasında hazırlanıb.

Avtomobilin həm siluetində həm də panelində hər kəsin görə biləcəyi aerodinamik konturlar çox insana tanışdır. Aerodinamikanın sabitliyi üçün vacib amillərdən biri də avtomobilin alt hissəsində havanın necə yayılmasıdır çünki alt hissədəki mürəkkəb konturlara malik komponentlər müqaviməti artıra bilər. Bu səbəbdən Stinger həm salonun və həm də arxa asqının hər tərəfində mühərrik və transmissiyanın aşağı hissəsində möhkəm kuzovaltı örtüklərdən istifadə edir. Bu örtüklər yüksək sürətdə hərəkət edən zaman kuzovun alt hissəsində hava axınının müqavimətini azaldır.

Daxildən və xaricdən yeni bol izolyasiya materiallarından istifadə nəticəsində Stingerin hər bir elementi rəvan və səssiz idarəetmə üçün hazır edilib. Mühərrik yeri və panelə əlavə izolyasiya vurulub, basma material isə kuzovun sütunları ilə ramanın birləşdiyi hissələri daha səssiz edir. Səsboğucu yenidən konfiqurasiya olunub, arxa traversa bərkidilib, yan güzgülər və qapılar səs və müqaviməti azaltmaq üçün yapışdırılıb.