Vaxtalaus bílalán

Vaxtalaus bílalán til allt að 36 mánaða

Askja kynnir vaxtalaus bílalán til allt að 36 mánaða í samstarfi við Ergo


Bílaumboðið Askja í samstarfi við Ergo kynnir í dag valkost í bílafjármögnun - vaxtalaus bílalán til allt að 36 mánaða. Lánin sem Askja býður upp á í samstarfi við Ergo eru án alls kostnaðar. Viðskiptavinur greiðir enga vexti, lánin eru ekki verðtryggð, ekkert þinglýsingargjald, engin lántökugjöld, ekkert lokagjald og engin seðilgjöld. 

Greiðsla af láni er óbreytt allan tímann, nema viðskiptavinur kjósi að greiða inn á lánið, en þá lækkar greiðslubyrðin um leið. Ekkert uppgreiðslugjald fellur til, kjósi viðskiptavinur að greiða lánið upp fyrr. Lánin eru að hámarki 40% af kaupverði nýrrar bifreiðar og munu viðskiptavinir því greiða 60% af kaupvirði með eigin fé eða með uppítökubíl. Með þessu hyggst Askja mæta samkeppni á bílamarkaði.

Árið 2013 var annað stærsta bílasöluárið frá hruni. Askja náði hæstu hlutdeild sem við fyrirtækið hefur náð á Íslandi með Mercedes-Benz og seldi hátt í 300 bíla þeirra gerðar á árinu. Auk þess var Kia fjórða mest selda vörumerkið á Íslandi með 8,5% markaðshlutdeild. Fyrirkomulagið hjá Öskju er svipað og hjá samkeppnisaðilum, nema hvað það er unnið í samstarfi við Ergo. Að sjálfsögðu býður Askja upp á alla aðra bílafjármögnun sem viðskiptavinir óska eftir í samstarfi við fjármögnunaraðila.


Nokkrar spurningar sem gætu vaknað:

Geta allir fengið vaxtalaust lán?

Vaxtalaust bílalán er aðeins fyrir einstaklinga. Umsækjendur þurfa að vera 20 ára + og standast lánshæfismat og almennar lánareglur. 

Þarf viðskiptavinur að fara í gegnum greiðslumat?
Það er metið hverju sinni. 

Hvernig lán er vaxtalaust lán?
Þetta er veðskuldabréf með 1. veðrétti í bílnum sem er fjármagnaður. Ekki er óskað eftir sjálfskuldarábyrgð.

Er hægt að fá hærra en 40% lánshlutfall á vaxtalaust lán?
Hámarks lánshlutfall í vaxtalausum lánum er 40%.

Hvernig er 60% útborgun greidd?
Viðskiptavinir greiða 60% útborgun með notuðum bíl eða reiðufé.

Er hægt að fá lengri lánstíma en 36 mánuði?
Hámarks lánstími í vaxtalausum lánum eru 36 mánuðir.

Má greiða lánið upp fyrir lok lánstímans?
Já, og það er ekkert uppgreiðslugjald

Er einhver aukakostnaður við lánið?
Engin aukakostnaður er við vaxtalaust lán. Viðskiptavinur greiðir enga vexti, enga verðtryggingu, ekkert þinglýsingargjald, ekkert lántökugjald, ekkert lokagjald og ekkert seðilgjald.  Hlutfallstala kostnaðar er því 0%.

Getur mánaðarleg greiðslubyrði breyst á lánstímanum?
Greiðslubyrði breytist ekkert, nema greitt sé aukalega inná lánið á tímanum.  Þá lækkar greiðslubyrði til samræmis við aukalega innborgun.

Má breyta láninu á lánstímanum?
Nei, ekki er hægt að fá veðflutning, yfirtöku láns né aðrar skilmála- eða skuldbreytingar.

Hver verður skráður eigandi nýja bílsins?
Viðskiptavinur er skráður eigandi bílsins.

Get ég keypt hvaða bíl sem er og fengið vaxtalaust lán?
Nei, varan er aðeins í boði fyrir kaup á nýjum bílum, ekki notuðum.

Eru takmörk fyrir því hvað hægt er að kaupa dýran bíl?
Nei, lántaka er frjálst að kaupa bíl í hvaða verðflokki sem er.

Má setja annað veð á bílinn?
Ekki er heimilt að bæta öðru vaxtalausu láni á bílinn.

Þarf að kaskótryggja bílinn?
Já, kaskótrygging er skilyrði.

Hver er munurinn á kostnaði við hefðbundið bílalán og vaxtalaust lán?
Ef tekið er mið af sama lánstíma (36 mánuðir) og sama lánshlutfalli (40%) og bíllinn kostar 4.500.000 kr. er kostnaður fyrir viðskiptavin sem tekur hefðbundið bílalán u.þ.b. 315.000 kr.  Ef tekið er vaxtalaust lán er kostnaðurinn 0 kr.