Kia cee'd GT

Kia fjölskyldusýning í Öskju laugardaginn 10. maí


Það verður sumarstemming á Krókhálsi laugardaginn 10. maí kl. 12-16, en þá mun Bílaumboðið Askja bjóða upp á glæsilega sumarsýningu og frumsýna spennandi bíla. Hér um að ræða Kia Optima og hinn sportlega Kia cee‘d GT auk fleiri bíla.

Öll fjölskyldan ætti að geta notið laugardagsins á sumarsýningunni því boðið verður upp á veitingar auk hoppukastala og andlitsmálningu fyrir börnin.

Kia cee´d GT er sportútfágan af metsölubíl suður-kóreska bílaframleiðandans Kia cee‘d, sem selst hefur mjög vel hér á landi. Kia Cee‘d GT er sportlegur og aflmikill bíll með 1,6 lítra bensínvél með túrbínu og 204 hestöfl. Togið í  Kia cee´d GT er 265 Nm og hann er aðeins 7,7 sekúndur í hundraðið. Þrátt fyrir mikið afl er vélin sparneytin og umhverfismild. Kia cee‘d GT skartar 18 tommu álfelgum, glerþaki, LCD sportmælaborði, Recaro sætum, fótstigum úr áli, LED ljósum, tvöföldu pústkerfi og sportfjöðrun.

Nýr Kia Optima hefur fengið þó nokkra andlitslyftingu. Optima er í boði í þremur útfærslum sem eru allar með 1,7 lítra dísilvélum sem skila 136 hestöflum. Hann verður bæði fáanlegur beinskiptur og sjálfskiptur í EX útfærslu og þá verður hann einnig í boði í Premium útgáfu sem er afar vel búinn bíll. Sá er með Panorama þaki, bakkmyndavél, LED ljósum að framan og aftan, 18 tommu álfelgum, LCD mælaborði og leðursætum svo eitthvað sé nefnt.

Að auki verður 15% afsláttur af Kia heilsársdekkjum á álfelgum og 20% afsláttur af öllum reiðhjólafestingum. Öll flóra Kia bifreiða verður til sýnis á sumarsýningunni í Öskju kl. 12-16 á laugardag. Boðið verður upp á reynsluakstur.

Allir hjartanlega velkomnir!

Starfsfólk Öskju